En il rom da la campagna d'aleas ha il Fond Svizzer per la Cuntrada FSC impundì dal 2006 fin il 2009 passa quatter milliuns francs per novas aleas, retschas da plantas e curtins da pumera. Cun quai ha el sustegnì var 120 projects che han embellì il maletg da la cuntrada e stgaffì spazis vitals ecologicamain custaivels en passa 200 vischnancas. La campagna d'aleas è ussa terminada – ma l'engaschament dal FSC per ina cuntrada cun plantas cuntinuescha… simplamain betg pli en il rom d'ina campagna specifica. Cun puncts da partenza modifitgads levamain vegn la plantaziun en la cuntrada culturala averta sustegnida vinavant e quai tant cun retschas da plantas ed aleas sco era cun plantas cun bist aut e plantas sin funs u en curtins sco era plantas singulas en lieus marcants.

Bulletin dal FSC nr. 33: Quatter onns campagna d'aleas – ina bilantsch

Communicaziun a las medias davart il start da la campagna

Communicaziun a las medias davart la bilantscha dal 2008 e la cuntinuaziun il 2009