FLS 2.0 – Sin buna via malgrà las directivas da spargnar

La Confederaziun sto spargnar – ed uschia sto er il Fond Svizzer per la Cuntrada (FSC) strenscher la tschinta: En la sessiun da primavaira 2026 ha il Parlament federal decidì da smesar il sustegn futur per il FSC. A partir dal 2027 duai il FSC survegnir empè da radund 5 milliuns francs anc stgars 2,5 milliuns francs ad onn per mantegnair e tgirar cuntradas culturalas natiralas. 

Era sche questa reducziun vegn ad avair consequenzas sensiblas per l'engaschament dal FSC – igl avess pudì esser bler pli drastic.  En ses pachet da distgargia aveva il Cussegl federal numnadamain pretendì a l'entschatta d'abolir cumplettamain il FSC. 

Malgrà la duscha fraida finanziala va la lavur dal FSC pia vinavant – cun cussegliaziun e sustegn finanzial per privats, organisaziuns, vischnancas e chantuns, sco adina a moda engaschada e cun auta qualitad. 

Il Fond Svizzer per la Cuntrada (FSC) engrazia a tuttas e tuts cordialmain per il sustegn en la discussiun politica davart il pachet da distgargia 2027.