Il FSC promova gia dapi adina furmas tradiziunalas da l'agroselvicultura, p.ex. projects per revalitar e restabilir curtins da pumera cun bist aut, selvas da chastagners e pastgiras en il guaud. Actualmain sa sviluppan novas ideas da l'agroselvicultura: furmas da producziun agriculas multifuncziunalas che cumbineschan la cultivaziun da plantas e chaglias per exempel cun la cultivaziun dad ers. Il bulletin dal FSC (nr. 61) è deditgà al tema da l'agroselvicultura e da sia muntada per la cuntrada. Ils proxims onns vul il FSC propagar e sviluppar vinavant en il rom dal «Focus FSC» criteris che permettan d'integrar meglier projects d'agroselvicultura futurs en il maletg da cuntradas culturalas multifaras; en quel connex duain vegnir promovids projects d'agroselvicultura exemplarics. Infurmaziuns detagliadas suondan qua.
Occurrenzas
Il termin actual per inoltrar las dumondas dura anc fin ils 2 da favrer 2026.