Fonds Landschaft Schweiz (FLS) Fonds Suisse pour le Paysage (FSP) Fondo Svizzero per il Paesaggio (FSP) Fond Svizzer per la Cuntrada (FSC)

 

Dumondas

Procedura per inoltrar ina dumonda

 

Il FSC prenda encunter dumondas per ina contribuziun en furma digitala a [email protected] cun in dossier da project correspundent.

Il dossier da project sto cuntegnair indicaziuns davart:

  • la purtadra dal project
  • il cuntegn dal project
  • la finanziaziun
  • la dumonda per il FSC

Las directivas per dumondas per ina contribuziun cumprendan indicaziuns detagliadas areguard il cuntegn da las dumondas per ina contribuziun.

 

Il FSC conferma d'avair retschet la dumonda per ina contribuziun. En in emprim pass vegn la dumonda examinada internamain e suenter suttamessa ad in dals dus comités da projects da la cumissiun. Sin fundament da la proposta dal comité da projects prenda alura la cumissiun generala dal FSC ina decisiun.

Las dumondas drizzadas al FSC èn numerusas. Plinavant ha la cumissiun generala a disposiziun annualmain sulettamain trais termins da seduta. Tenor experientscha poi perquai durar dus fin quatter mais, fin che la decisiun vegn prendida.

Ils petents vegnan perquai incitads da resguardar ils termins d'inoltraziun (vesair sutvart). Sch'igl èn necessaris ulteriurs scleriments per examinar ina dumonda, po vegnir spustada la deliberaziun da la dumonda sin in auter termin da seduta. La cumissiun infurmescha en scrit ils petents davart la decisiun.

 

Termins

Termins d'inoltraziun per dumondas

  • 7 da october 2019
  • 3 da favrer 2020
  • 1 da zercladur 2020
  • 5 da october 2020

 

Termins da seduta 2019/2020

Sedutas da la cumissiun generala

  • 22 da schaner 2020
  • 12 da matg 2020
  • 14 - 16 da settember 2020
  • 20 da schaner 2021

Sedutas dal comité da projects 1

  • 11 da december 2019
  • 8 da avrel 2020
  • 27 da uost 2020
  • 17 da december 2020

Sedutas dal comité da projects 2

  • 11 da december 2019
  • 8 da avrel 2020
  • 26 da uost 2020
  • 9 da december 2020